Audi Q5
រថយន្ដ Audi Q5 2.0 TFSI quattro ពីរម៉ូឌែលស៊េរីឆ្នាំ ២០១៧ នេះមានលក្ខណៈពិសេសៗ ដូចខាងក្រោម៖
ការរចនារូបរាង
- តួខ្លួនរថយន្ត SUV ស៊េរីថ្មីនេះ ធ្វើឡើងអំពីដែកថែប និងដែកអាលុយមីញ៉ូមយ៉ាងពិសេស មានការបន្ថែមភាពរឹងមាំលើចំណុចបន្ទេរកម្លាំងពីប្រព័ន្ធហ្រ្វាំង និងម៉ាស៊ីន ទៅតួរថយន្តដែលធ្វើឱ្យការចាប់ហ្រ្វាំងប្រកបដោយ ឌីណាមិច និងរស់រវើក។ និងមានពណ៌ដល់ទៅ ១៤ ជម្រើសខុសៗគ្នា។
- ទ្វាររថយន្ត បំពាក់ដោយដែកអាលុយមីញ៉ូម** ដែលមានរាងបួនជ្រុង ហើយមានប្រវែងស្មើនឹងគែមមាត់ទ្វាររថយន្ត រឹងមាំធ្វើឲ្យផ្នែកខាងក្រៅរថយន្ដ កាន់តែទាក់ទាញ។
- រង្វង់កង់រឹងមាំ មានបំពាក់មកជាមួយបច្ចេកវិទ្យា Quattro លើកង់ទាំងបួន សមត្ថភាពខ្លាំងអាចបើកបរលើដីរដិបរដុប និងឡើងចំណោតដោយគ្មានបញ្ហា។
- ចង្កៀងបំភ្លឺខាងមុខរថយន្ត ជាខ្សែបន្ទាត់ភ្លើងឌីណាម៉ិច អាចបង្កើតជាផ្លាកសញ្ញា Audi យ៉ាងទាក់ទាញ បំពាក់មកជាមួយបច្ចេកវិទ្យាភ្លើងហ្វា LED ដែលមានមុខងារបញ្ចេញពន្លឺយ៉ាងពិសេស ពោលគឺ អាចកំណត់ពន្លឺភ្លឺខ្លាំង ឬតិចអាស្រ័យលើស្ថានភាពផ្លូវដូចជា ផ្លូវធម្មតា ផ្លូវកោង ផ្លូវមមាញឹក ឬផ្លូវដែលមានអាកាសធាតុមិនល្អជាដើម។
- ផ្នែកខាងក្នុងរថយន្ត មានកន្លែងធំទូលាយសម្រាប់ផ្ទុកមនុស្សចំនួន 5 នាក់ បំពាក់ម៉ាស៊ីនត្រជាក់ស្វ័យប្រវត្តិ ឧបករណ៍តម្រង់ដែលមានសារធាតុធ្យូងសកម្មស្រូបយកក្លិន និងច្រោះចេញនូវសារធាតុភាគល្អិតតូចបាន។
- ដៃចង្កូតរថយន្ត ធ្វើអំពីស្បែកប្រកបដោយមានភាពស្ដង់ដារ និងមានចង្កឹះលេខ ចំពោះរថយន្ដប្រភេទ Sport និង Design lines។
- ឯកៅអីខាងមុខ អាចលៃតម្រូវដោយប្រព័ន្ធអេឡិចត្រូនិក ដែលរួមបញ្ចូលទាំងផ្នែករបស់កៅអីផងដែរ។ សម្រាប់ប្រភេទស្ព័រ មានកៅអីស្ព័រនៅខាងមុខ។ ឯកៅអីខាងក្រោយ រចនាឡើងជាបីផ្នែក អាចបត់បាន នៅពេលដល់ទីងងឺត វាអាចបញ្ចេញពន្លឺបាន 30 ពណ៌ផ្សេងៗគ្នា។
- ផ្នែកខាងក្រោយរថយន្ត អាចផ្ទុកបរិមាណឥវ៉ាន់ធម្មតាពីកម្រិត 550 ទៅ 610 លីត្រ ដែលមានបរិមាណចំណុះលើសពីម៉ូដែលស៊េរីមុនចំនួន 10 លីត្រ។ នៅពេលដែលគម្របខាងក្រោយរថយន្តបានបិទ បរិមាណផ្ទុកនេះនឹងកើនដល់ 1,500 លីត្រ ដែលអាចផ្ទុកទំនិញ ឬឥវ៉ាន់ មានភាពងាយស្រួលជាដើម។
-ប្រព័ន្ធឧបករណ៍ HiFi ទំនើប Audi Q5 បានបំពាក់មកជាមួយប្រព័ន្ធសំឡេង Bang & Olufsen ដែលមានសំឡេង 3D ដែលល្អប្លែកដាច់ពីគេ និងជាប្រភពប្រព័ន្ធសំឡេងស្តង់ដារនៅក្នុងរថយន្ដប្រភេទ Sport និង Design lines របស់ Audi ផ្ទាល់តែម្ដង។
Audi Q5 2.0 TFSI មានកម្លាំងម៉ាស៊ីន 185 kW/252 សេះ
Audi Q5 អាចបង្កើនសន្ទុះពី 0 ទៅ 100 គមក្នុងរយៈពេលត្រឹមតែ 6.3 វិនាទី។
កម្រិតស៊ីប្រេងបញ្ចូលគ្នាគិតជា ល/100 គម៖ 6.9 (កង់ 17 អ៊ីង) 6.8 (កង់ 18 អ៊ីង)
កម្រិតកាបូនបញ្ចូលគ្នា គិតជា ក/គម៖ 154 (កង់ 17 អ៊ីង) 157 (កង់ 18 អ៊ីង)
ថាមពលកើនពី 9.5 ភាគរយ ទៅ 20 kW ដោយបញ្ចេញកម្លាំងច្រើនជាងមុន 22 សេះ
ស៊ីសាំងត្រឹមតែ 6.8 លីត្រក្នុង 100 គមតែប៉ុណ្ណោះ ដែលស្មើនឹងកាបូន 154 ក្រាមក្នុងមួយគីឡូម៉ែត្រ។(ទំហំកង់ 17 អ៉ីញ )
មានទម្ងន់ស្រាលជាងម៉ូដែលស៊េរីមុន 125 គ.ក(បើប្រៀបធៀបជាមួយនឹងម៉ូដែលស៊េរីមុន Audi បានកាត់បន្ថយទម្ងន់រថយន្ត 125 គីឡូក្រាមចេញ ឱ្យនៅសល់តែ 1,720 គីឡូក្រាមប៉ុណ្ណោះ។)
