យោងតាមការសរសេរលើបណ្តាញទំនាក់ទំនង Twitter ក្រុមហ៊ុន Huawei ថា ខ្លួននឹងបង្ហាញផលិតថ្មីគឺ Huawei Mate 10 ជាផ្លូវការនៅថ្ងៃទី ១៦ តុលាខាងមុខ។ ស្មាតហ្វូន Mate 10 នឹងបំពាក់បន្ទះឈីបជំនាន់ថ្មី និងថាមពលខ្លាំងរបស់ Huawei គឺ Kirin 970 ដែលទើបតែប្រកាសថ្មីថ្មោង ហើយថែមទាំងអះអាងថានាំមុខ Samsung និង Apple ទៀតផង។
រូបរាង Mate 10 លេចធ្លាយកន្លងមក
ក្រុមហ៊ុនបញ្ជាក់ថា Mate 10 នឹងមានអេក្រង់ធំទូលាយជាមួយនឹងទំហំ ៦ អ៊ីងហើយវាក៏នឹងមានកាមេរ៉ាភ្លោះខាងក្រោយរបស់ក្រុមហ៊ុនដៃគូ Leica ផងដែរ ៕ប្រភព៖ GSMarena