លែង​ស្ទះ​ផ្លូវ​ ​មិន​ប៉ះពាល់​បរិស្ថាន​ ​ឡានស៊េរី​ថ្មី​​តម្លៃ​តែ​​ ​៨​ ​ពាន់​ដុល្លារ​ប៉ុណ្ណោះ

Zotye​ ​ដែល​ជា​ក្រុមហ៊ុន​ក្នុង​ស្រុក​មួយ​របស់​ចិន​ ​ត្រូវ​គេ​មើល​ឃើញ​ថា​ធ្លាប់​ផលិត​រថយន្ត​ចម្លង​តាម​ផលិតផល​នៃ​រថយន្ត​ម៉ាក​ល្បី​ៗ​ដូច​ជា​ ​Lamborghini, Audi​ ​និង​ ​Porsche​ ​ជា​ដើម​នោះ​ ​បាន​ចេញ​ម៉ូដែល​ផលិត​មិន​ចម្លង​គេ​ដំបូង​បំផុត​របស់​ខ្លួន។

រថយន្ត​ដែល​ ​Zotye​ ​ទើប​បញ្ចេញ​នោះ​មាន​ម៉ូដែល​ ​E200​ ​ដំណើរការ​ដោយ​ម៉ាស៊ីន​អគ្គិសនី​អាច​ជិះ​បាន​ពីរ​កៅអី​ ​ហើយ​មាន​ការ​រចនា​យ៉ាង​ស៊ីវិល័យ​ ​រំលេច​ដោយ​ចង្កៀង​មុខ​ក្រោយ​ដ៏​ចិញ្ចាច។

មាន​រាង​តូច​ ​ប្រើ​ថាមពល​អគ្គិសនី​ ​E200​ ​មាន​កម្លាំង​ ​២៤​ ​សេះ​ ​ល្បឿន​អតិបរមា​ ​៨០​ ​គីឡូម៉ែត្រ​ក្នុង​ម៉ោង​ ​និង​ពេល​មាន​ថាមពល​ពេញ​អាច​បើកបរ​បាន​ចម្ងាយ​ផ្លូវ​ ​១២០​ ​គីឡូម៉ែត្រ​ ​ហើយ​ពិសេស​បំផុត​សម្រាប់​រថយន្ត​នេះ​ ​គឺ​តម្លៃ​ ​(នៅ​បរទេស)​ ​មាន​ប្រមាណ​ជាង​ ​៨​ ​ពាន់​ដុល្លារ៕

ប្រភព៖ carscoops ប្រែ​សម្រួល៖ រដ្ឋ