ទឹកក្តៅ
ទឹកក្តៅឧណ្ហៗដែលមានកម្រិតប្រមាណ៣០អង្សាសេល្អបំផុត និងមានប្រសិទ្ធភាពរំលាយជាលិកាខ្លាញ់លើសក្នុងរាងកាយដ៏អស្ចារ្យ ។ ពេលយប់ ចូរអ្នកទទួលទានឱ្យបានច្រើនទឹកស្ងោរបន្លែ, ទឹកផ្លែឈើស្រស់១កែវ និងទឹកក្តៅឧណ្ហៗ ។
ទឹកដោះគោ
កុំច្រឡំថា ការទទួលទាន ទឹកដោះគោនឹងធ្វើឱ្យអ្នកឡើងទម្ងន់ ។ ប្រសិនអ្នកទទួលទានទឹកដោះក្តៅគ្មានស្ករមុនចូលគេង វានឹងជួយអ្នកដុត បំផ្លាញបរិមាណជាតិខ្លាញ់លើសក្នុងរាងកាយ ។
ទឹកក្រូចពោធិ៍សាត់
នរណាដឹងថាក្រូចពោធិ៍សាត់ជាប្រភេទផ្លែឈើសម្បូរវីតាមីន តែពុំសូវបានដឹងថា វានៅជួយអ្នកបញ្ចុះទម្ងន់ប្រសិទ្ធភាព និងសុវត្ថិភាព ។ក្រូចពោធិ៍សាត់ល្អបំផុតសម្រាប់ប្រព័ន្ធរំលាយអាហារផ្លូវពោះវៀន និងបញ្ចុះជាតិពុល ។
ទឹកឃ្មុំ
ទឹកឃ្មុំអាចហៅថា ឱសថទិព្វរក្សាសម្ផស្ស ។ ការទទួលទានទឹកឃ្មុំ១ ស្លាបព្រាលាយជាមួយទឹកឧណ្ហៗរៀង រាល់យប់ ពុំត្រឹមតែជួយឱ្យស្បែកទន់សប៉ុណ្ណោះទេតែថែមទាំងអាចជួយបញ្ចុះទម្ងន់បានទៀតផង ។
ទឹកប៉េងប៉ោះ
ប៉េងប៉ោះពុំត្រឹមតែអាចប្រើបិទលើមុខ ដើម្បីជួយឱ្យស្បែកស្អាត តែវាជាប្រភេទផ្លែឈើសម្បូរជាតិទឹក និងសារជាតិប្រឆាំងអុកស៊ីតកម្មល្អបំផុតក្នុងការជំនួយការបញ្ចុះទម្ងន់ ។
តែបៃតង
ទទួលទានតែបៃតងល្អប្រសើរ សម្រាប់ប្រព័ន្ធសរសៃឈាមបេះដូង និងជួយដល់ការបញ្ចុះទម្ងន់ប្រសិទ្ធភាព ៕
ប្រភព www.rasmeinews.com/health
