ខេត្តស្ទឹងត្រែង ៖ ស្ពានដែកបេឡេឆ្លងកាត់ទន្លេស្រែពកស្ថិតនៅតាមបណ្តោយផ្លូវជាតិលេខ៧៨ចាស់ ភូមិច្រប់ខុំក្បាលរមាស ស្រុកសេសាន ខេត្តស្ទឹងត្រែង ត្រូវបានរុះរើសម្រេចលទ្ទផល៧០ភាគរយហើយ ។
លោក ស គឹមណាត ប្រធានមន្ទីរសាធារៈការ និងដឹកជញ្ជូនខេត្តស្ទឹងត្រែងបានបញ្ជាក់ប្រាប់កោះសន្តិភាពថា ដំណើរការរុះរើស្ពានដែកបេឡេឆ្លងកាត់ទន្លេស្រែពកក្រសួងសាធារៈការ និងដឹកជញ្ជូនរាជធានីចាត់កម្លាំងមន្ត្រីជំនាញខាងបច្ចេកទេសចុះរុះរើចាប់តាំងពីចុងខែកក្កដា ឆ្នាំ២០១៧ រហូតមកទល់ថ្ងៃទី២៧ ខែសីហា ឆ្នាំ២០១៧ នេះបានសម្រេច៧០ភាគហើយ និងបន្តការរុះរើនោះយ៉ាងតិចត្រឹម២សប្តាហ៍ទៀតប៉ុណ្ណោះនឹងរួចរាលជាស្ថាពរ ។
ប្រធានមន្ទីរសារធារៈការ និងដឹកជញ្ជូនខេត្តបន្តថា ដែកស្ពានដែលបានរុះរើនោះខាងមន្ទីរសារធារៈការ និងដឹកជញ្ជូនខេត្តកំពង់ឆ្នាំងបានដឹកយកទៅផ្គត់ផ្គង់ក្នុងខេត្តមួយចំនួនរួចហើយ និងនៅមួយចំនួនទៀតថែរក្សាទុកសម្រាប់ផ្គត់ផ្គង់ក្នុងខេត្តស្ទឹងត្រែង ។ ស្ពានដែកបេឡេឆ្លងកាត់ទន្លេស្រែពកមានចម្ងាយប្រវែង២៥២ម៉ែត្រ និងទទឹងប្រវែង៤ម៉ែត្រកន្លះស្ថិតនៅដងទន្លេស្រែពក ភូមិច្រប់ ឃុំក្បាលរមាស ស្រុកសេសាន បានតភ្ជាប់ពីត្រើយខាងលិចទៅត្រើយម្ខាងទន្លេខាងកើតទៀតត្រូវបានសាងសង់ឡើងនៅក្នុងរបបរដ្ឋកម្ពុជាចន្លោះឆ្នាំ១៩៨៩ដល់ឆ្នាំ១៩៩៣ដែលគិតរហូតពេលនេះមានអាយុកាលជាង២០ឆ្នាំកម្លងមកហើយ ។
ការរុះរើស្ពានដែកនោះគឺបានកើតឡើងបន្ទាប់ទំនប់ទឹកនៃគម្រោងវារីអគ្គិសនីសេសានក្រោម២នឹងកើនឡើងកម្ពស់ទឹកដល់កម្រិត៧២ម៉ែត្រធៀបទៅនឹងនីវ៉ូទឹកសមុទ្រដែលអាចបណ្តាលឱ្យលិចស្ពានស្រែពកចាស់នោះទាំងស្រុង ដោយមើលឃើញគុណប្រយោជន៍ជាច្រើនក្រសួងសាធារៈការ និងដឹកជញ្ជូនសហការជាមួយមន្ទីរសាធារណៈការ និងដឹកជញ្ជូនខេត្តសម្រេចរុះរើដើម្បីយកទៅបំពេញតម្រូវការតាមបណ្តាភូមិឃុំស្រុកមួយចំនួយក្នុងខេត្តកំពុងរងការខ្វះខាត ៕ អត្ថបទ: ទេព វណ្ណះ
ប្រធានមន្ទីរសារធារៈការ និងដឹកជញ្ជូនខេត្តបន្តថា ដែកស្ពានដែលបានរុះរើនោះខាងមន្ទីរសារធារៈការ និងដឹកជញ្ជូនខេត្តកំពង់ឆ្នាំងបានដឹកយកទៅផ្គត់ផ្គង់ក្នុងខេត្តមួយចំនួនរួចហើយ និងនៅមួយចំនួនទៀតថែរក្សាទុកសម្រាប់ផ្គត់ផ្គង់ក្នុងខេត្តស្ទឹងត្រែង ។ ស្ពានដែកបេឡេឆ្លងកាត់ទន្លេស្រែពកមានចម្ងាយប្រវែង២៥២ម៉ែត្រ និងទទឹងប្រវែង៤ម៉ែត្រកន្លះស្ថិតនៅដងទន្លេស្រែពក ភូមិច្រប់ ឃុំក្បាលរមាស ស្រុកសេសាន បានតភ្ជាប់ពីត្រើយខាងលិចទៅត្រើយម្ខាងទន្លេខាងកើតទៀតត្រូវបានសាងសង់ឡើងនៅក្នុងរបបរដ្ឋកម្ពុជាចន្លោះឆ្នាំ១៩៨៩ដល់ឆ្នាំ១៩៩៣ដែលគិតរហូតពេលនេះមានអាយុកាលជាង២០ឆ្នាំកម្លងមកហើយ ។
ការរុះរើស្ពានដែកនោះគឺបានកើតឡើងបន្ទាប់ទំនប់ទឹកនៃគម្រោងវារីអគ្គិសនីសេសានក្រោម២នឹងកើនឡើងកម្ពស់ទឹកដល់កម្រិត៧២ម៉ែត្រធៀបទៅនឹងនីវ៉ូទឹកសមុទ្រដែលអាចបណ្តាលឱ្យលិចស្ពានស្រែពកចាស់នោះទាំងស្រុង ដោយមើលឃើញគុណប្រយោជន៍ជាច្រើនក្រសួងសាធារៈការ និងដឹកជញ្ជូនសហការជាមួយមន្ទីរសាធារណៈការ និងដឹកជញ្ជូនខេត្តសម្រេចរុះរើដើម្បីយកទៅបំពេញតម្រូវការតាមបណ្តាភូមិឃុំស្រុកមួយចំនួយក្នុងខេត្តកំពុងរងការខ្វះខាត ៕ អត្ថបទ: ទេព វណ្ណះ