ច្បាស់ការហើយ​ Apple នឹង​បញ្ចេញ​ផលិតផល​ដល់​ទៅ​​ ៤ ក្រៅពី​ iPhone នៅ​ថ្ងៃ​ ១២ ខែ កញ្ញា ឆ្នាំ ២០១៧ ខាងមុខនេះ​

របាយការណ៍​ជា​ច្រើន​បាន​បង្ហាញ​ការ​ជឿជាក់ថា Apple នឹង​បញ្ចេញ​ផលិតផល​ថ្មី​ចំនួន ៤ ដែលនឹង​បង្ហាញនៅ​ថ្ងៃ​តែ​មួយនា​ថ្ងៃ​ ១២ កញ្ញា​ខាង​មុខ​នេះ​។

១.Apple TV 4K

ទូរទស្សន៍​ឆ្លាត​វៃ Apple TV ​ចុង​ក្រោយ​បង្អស់​បង្ហាញ​ខ្លួន​នៅ​ខែ​តុលា ឆ្នាំ ២០១៥ លុះ​ប៉ុន្មាន​ឆ្នាំ​ចុង​ក្រោយ​ក៏​ស្ងាត់​ដំណឹង​ឈឹង។ ហាក់​បី​ជា​មិន​ទាន់​ចប់​ឡើយ ដោយ​កាល​ពី​ព្រឹត្តិការណ៍ WWDC កន្លង​ទៅ លោក Tim Cook ធ្លាប់​បាន​និយាយ​ថា​ Apple នឹង​អភិវឌ្ឍ​ជា​បន្ត​នូវ​ Apple TV ម្ល៉ោះ​ហើយ​តាម​ការ​ជឿជាក់​ Apple TV 4K នឹង​មាន​វត្តមាន​នៅ​ខែ​កញ្ញា​ខាង​មុខ​នេះ។

២.Apple Watch Series 3

ការ​ជឿជាក់​ខ្លាំង​បំផុត​ជុំវិញ​ព័ត៌មាន​ Apple Watch Series 3 គឺ​អាច​ដាក់​ស៊ីម​កាត​និយាយ​ទូរសព្ទ​និង​លេង​អ៊ីនធឺណិត​បាន ដោយ​មិន​ត្រូវ​ការ​ភ្ជាប់​ជាមួយ iPhone។ នាឡិកា​ឆ្លាត​វៃ​ជំនាន់​ទី ៣ មួយ​នេះ ក៏​ត្រូវ​បាន​គេ​រំពឹង​នឹង​លេខ​មុខ​នៅ​ថ្ងៃ​ទី ១២ កញ្ញា​ផង​ដែរ។​

៣.iPhone 7s/7s Plus

Apple នឹង​បន្ត​រក្សា​អេក្រង់ ៤,៧ អ៊ីញ/៥,៥ អ៊ីញ សម្រាប់ iPhone 7s/7s Plus ដដែល។ ការ​វិវត្ត​នៃ iPhone ឆ្នាំ ២០១៧ Apple នឹង​បន្ថែម​មុខងារ True Tone Display ដែល​ធ្លាប់​មាន​លើ iPad Pro, មុខងារ​សាក​ថ្ម​ឥត​ខ្សែ និង​បំពាក់​បន្ទះ​ឈីប​ថ្មី A11 SoC។​

៤.iPhone 8

ព្រឹត្តិការណ៍​តម្លៃ iPhone ឡើង​ដល់ ១ ពាន់​ដុល្លារ គេ​ជឿជាក់​ថា​នឹង​កើត​មាន​នៅ​ក្នុង​ឆ្នាំ ២០១៧ នេះ។ ជា​​គម្រប់​ខួប ១០ ឆ្នាំ​របស់ Apple ទូរសព្ទ iPhone 8 នឹង​មាន​ការ​ប្ដូរ​ពី​អេក្រង់ LCD មក​ OLED ជា​ប្រភេទ​ផ្ទៃ​អេក្រង់​ពេញ។ វិវត្ត​មុខងារ​កាមេរ៉ា​កាន់​តែ​អស្ចារ្យ, ស្តង់ដារ​ការពារ​ធូលី​និង​ជម្រាប​ទឹក​ IP68, មុខងារ​សាក​ថ្ម​ឥត​ខ្សែ និង​បច្ចេកវិទ្យា 3D/AR System។​​


ប្រភព៖ idropnews