ឯកឧត្តម ហ៊ុន ម៉ានី ដឹកនាំប្រជុំ ការផ្សព្វផ្សាយ ស្ដីពីបច្ចុប្បន្នភាពស្ថានភាពនយោបាយ និងការងារសតិអារម្មណ៍ ឆ្ពោះទៅរកការបោះឆ្នោត នៅទីស្នាក់ការគណបក្សប្រជាជនកម្ពុជាខេត្តបាត់ដំបង

បាត់ដំបង៖ នៅព្រឹកថ្ងៃព្រហស្បតិ៍ ៧កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ២៤ ខែកញ្ញា ឆ្នាំ២០២០ ឯកឧត្តម ងួន រតនៈ សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងជាប្រធានគណៈចលនាមហាជន នៃគណៈកម្មាធិការគណបក្សប្រជាជនកម្ពុជាខេត្តបាត់ដំបង បានអញ្ជើញចូលរួមក្នុងកិច្ចប្រជុំ ផ្សព្វផ្សាយ ស្ដីពីបច្ចុប្បន្នភាពស្ថានភាពនយោបាយ និងការងារសតិអារម្មណ៍ ឆ្ពោះទៅរកការបោះឆ្នោត ក្រោមអធិបតីភាព ឯកឧត្តម ហ៊ុន ម៉ានី សមាជិកគណៈកម្មាធិការកណ្តាលគណបក្ស និងជាអគ្គលេខាធិការ នៃអគ្គលេខាធិការដ្ឋានគណៈចលនាមហាជន គណៈកម្មាធិការកណ្ដាលគណបក្សប្រជាជនកម្ពុជា។ 

កិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាអនុប្រធាន សមាជិកអចិន្ត្រៃយ៍គណបក្សខេត្ត ក្រុមការងារយុវជនគណបក្សខេត្ត ក្រុមការងារយុវជន គ២៧៨ មកពីក្រុង ស្រុក ឯកឧត្តម លោកំទាវ លោក លោកស្រី ប្រធាន អនុប្រធានគណៈកម្មាធិការគណបក្សមូលដ្ឋានមន្ទីរ អង្គភាព គណបក្សកម្មាធិការគណបក្ស ក្រុង ស្រុក ឃុំ សង្កាត់ បានអញ្ជើញចូលរួមយ៉ាងច្រើនកុះករ។ 

ឯកឧត្តម ហ៊ុន ម៉ានី អគ្គលេខាធិការ នៃអគ្គលេខាធិការដ្ឋានគណៈចលនាមហាជន គណៈកម្មាធិការកណ្ដាល បានធ្វើការសំណេះសំណាលសួរសុខទុក្ខ និងណែនាំដល់ឯកឧត្តម លោកជំទាវ លោក លោកស្រី អ្នកនាងកញ្ញា ដែលជាសមាជិកបក្សទាំងអស់ខិតខំពង្រឹងសមត្ថភាពរបស់បក្សឲ្យកាន់តែមានប្រសិទ្ធភាពជាងនេះទៅទៀត ហើយបានធ្វើការណែនាំជាពិសេសគឺក្នុងអំឡុងកូវីដ-១៩នេះ ធ្វើការណែនាំដល់បងប្អូមប្រជាពលរដ្ឋចូលរួមទប់ស្កាត់ការរីករាលដាលនូវជម្ងឺកូវិដ-១៩នេះផងដែរ ៕ 

 ប្រភព៖ គណបក្សប្រជាជនកម្ពុជាខេត្តបាត់ដំបង