(ភ្នំពេញ)៖ គណៈកម្មការជ្រើសរើស និងត្រួតពិនិត្យលក្ខណៈសម្បត្តិសិក្ខាកាមមកបណ្ដុះបណ្ដាលនៅក្នុង និងក្រៅប្រទេស នៃក្រសួងការពារជាតិ បានចេញសេចក្ដីជូនដំណឹង ដល់បេក្ខជន បេក្ខនារី ដែលបានដាក់ពាក្យប្រឡងចូលក្របខ័ណ្ឌមន្ដ្រីយោធា ឲ្យទៅពិនិត្យឈ្មោះ និងទីកន្លែងប្រឡង នៅតាមមណ្ឌលដែលបានដាក់ពាក្យ។
បើតាមសេចក្ដីជូនដំណឹង ដែលអង្គភាព VOB News ទទួលបាននៅរសៀលថ្ងៃទី០៤ ខែមករា ឆ្នាំ២០១៩នេះ ក្រសួងការពារជាតិ បានបញ្ជាក់ថា មណ្ឌលប្រឡងនៅទូទាំងប្រទេស រួមមាន៖
- ទី១៖មណ្ឌលប្រឡងរាជធានីភ្នំពេញ
- ទី២៖មណ្ឌលប្រឡងយោធភូមិភាគទី១ (ខេត្តស្ទឹងត្រែង)
- ទី៣៖មណ្ឌលប្រឡងយោធភូមិភាគទី២ (ខេត្តកំពង់ចាម)
- ទី៤៖មណ្ឌលប្រឡងយោធភូមិភាគទី៣ (ខេត្តកំពត)
- ទី៥៖មណ្ឌលប្រឡងយោធភូមិភាគទី៤ (ខេត្ដសៀមរាប)
- និងទី៦៖មណ្ឌលប្រឡងយោធភូមិភាគទី៥ (ខេត្តបាត់ដំបង)។
ក្រសួងការពារជាតិ បន្ថែមថា បេក្ខជន បេក្ខនារីទាំងអស់ ត្រូវមានវត្តមាននៅតាមមណ្ឌលប្រឡងរបស់ខ្លួន វេលាម៉ោង០៦៖០០នាទីព្រឹក ថ្ងៃទី១៣ ខែមករា ឆ្នាំ២០១៩ ដើម្បីស្ដាប់តាមការណែនាំពីគណៈកម្មការប្រឡង និងអនុវត្ដតាមកាលបរិច្ឆេទផ្សេងៗ៕
ប្រភព៖ Fresh News