អ្នកចាំទីសញ្ជាតិអេស្ប៉ាញអាចនឹងចង់រកផ្លូវចាកចេញ បន្ទាប់ពីសប្ដាហ៍កន្លងទៅគេបានបដិសេធការបន្តកុងត្រារយៈពេលវែង ដែលក្លឹបបានផ្ដល់ជាច្រើនខែមកហើយ។ តាមសេចក្ដីរាយការណ៍ Pickford ជាបេក្ខភាពស័ក្ដិសមមកជំនួសកន្លែង De Gea ព្រោះរយៈកាលចុងក្រោយគេបង្ហាញទម្រង់លេងល្អទាំងក្នុងក្លឹបនិងជម្រើសជាតិអង់គ្លេស។
De Gea មានចេតនាចង់បានពីក្លឹបយក្សអ៊ីតាលី Juventus ដែលនឹងព្យាយាមទិញគេនៅរដូវក្ដៅក្រោយ ឬរងចាំរហូតអស់កុងត្រាជាមួយ Man Utd នៅឆ្នាំ២០២០។ ទោះជាយ៉ាងណា ប្រសិន De Gea ចាកចេញមែន បិសាចក្រហមដឹងច្បាស់ថានឹងយកនរណាមកជំនួស។ Pickford ជាជម្រើសដ៏ល្អ ស្របពេលលោក Jose Mourinho ក៏ពេញចិត្តកីឡាករនេះដូចគ្នា៕
