ចេញតម្លៃ Galaxy A9 (2018) កាមេរ៉ា 4 គ្រាប់​ដំបូង​គេ​ក្នុង​លោក​ លក់​នៅ​កម្ពុជាហើយ! - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

ចេញតម្លៃ Galaxy A9 (2018) កាមេរ៉ា 4 គ្រាប់​ដំបូង​គេ​ក្នុង​លោក​ លក់​នៅ​កម្ពុជាហើយ!

17/11/2018
Galaxy A9 (2018) ដែល​ជា​ស្មាតហ្វូន​កាមេរ៉ា​ 4 គ្រាប់​ដំបូង​គេ​ក្នុង​លោក​របស់​ Samsung បាន​បង្ហាញ​មុខ​ជា​ផ្លូវ​ការ​ហើយ​ ដោយ​មាន​បង្ហាញ​ច្បាស់ៗ​ពី​លក្ខណៈ​សម្បត្តិ​ រួម​ទាំង​តម្លៃ​លក់​សម្រាប់​ទីផ្សារ​មួយ​ចំនួន​ផង​ដែរ។ ពេល​នេះមាន​លក់​នៅ​ទីផ្សារ​ក្នុង​ស្រុក​ហើយ។

Galaxy A9 ស៊េរី​ថ្មី​មាន​​តួ​ខ្លួន​ផលិត​ពី​សារធាតុ​អាលុយមីញ៉ូម ស្រោប​ដោយ​កញ្ចក់​ និង​ប្រើ​ប្រាស់​អេក្រង់​ AMOLED ដែល​មាន​ទំហំ 6.3 អ៊ីញ ដែល​អាច​បង្ហាញ​រូបភាព​ក្នុង​កម្រិត​ 1080 x 2220 ភីកសែល។
A9 ក៏​មាន​បំពាក់​ដោយ​បន្ទះ​ឈីប​ Snapdragon 660 ដែល​មាន​ល្បឿន​រត់​ 2.2 GHz អម​នឹង​ RAM ទំហំ 6 GB ឬ 8 GB។ អង្គ​ផ្ទុក​ទិន្នន័យ​មាន​ទំហំ 128 GB និង​មាន​រន្ធ​សម្រាប់​បន្ថែម​មេមូរី​រហូត​ដល់​ទំហំ 512 GB ហើយ​​ថ្ម​មាន​ទំហំ 3800 mAh។

លក្ខណៈ​សម្បត្តិ​នៃ​កាមេរ៉ា​ ៤ គ្រាប់​របស់​ Galaxy A9 (2018) មាន​ដូច​ខាង​​ក្រោម៖
  • កាមេរ៉ា​មេ៖ កម្រិត​ ២៤ MP ​ជា​មួយ​ Aperture F/1.7 មាន​តួនាទី​ផលិត​រូបភាព​ទូទៅ​ និង​មាន​បច្ចេកវិទ្យា​ Clear & Bright អាច​ផ្ដិត​រូបភាព​បាន​ច្បាស់​ និង​ភ្លឺ​ស្អាត
  • កាមេរ៉ា​ Telephoto៖ មាន​កម្រិត​ ១០ MP ជា​មួយ​ Aperture F/2.4 អាច​ថត​រូប​ Zoom ពីរ​តង់​ដោយ​មិន​ឱ្យ​បាត់​បង់​គុណភាព​ដើម
  • កាមេរ៉ា​ Ultra Wide៖ មាន​កម្រិត​ ៨ MP ដែល​អាច​ផ្ដិត​រូបភាព​ទូលាយ​ក្នុង​ទំហំ​ដល់ ១២០ ដឺក្រេ
  • កាមេរ៉ា​វាស់​ជម្រៅ៖ ចុង​ក្រោយ​គេ​នេះ​ជា​កាមេរ៉ា​វាស់​ជម្រៅ​កម្រិត ៥ MP ដែល​មាន​ Aperture F/2.2។ កាមេរ៉ា​នេះ​មាន​តួនាទី​ធ្វើ​ជា​ជំនួយ​ការ​ក្នុង​ការ​វាស់​ជម្រៅ​រូបភាព ដើម្បី​ផលិត​រូបភាព Bokeh បាន​ល្អ។
Samsung Galaxy A9 (2018) កំពុង​ដាក់​លើ​ទីផ្សារ​ក្នុង​ស្រុក​ តម្លៃ​របស់​វា​មាន​ចាប់​ពី 559 ដុល្លារ (RAM 6GB និង​មេម៉ូរី 128GB)៕​


ប្រភព៖ Samsung Cambodia