ប្រទេសឥណ្ឌូណេស៊ី៖ យន្តហោះមួយគ្រឿងរបស់ក្រុមហ៊ុនអាកាសចរណ៍ Sriwijaya នៅប្រទេសឥណ្ឌូណេស៊ី បានពន្យារការហោះហើរបណ្ដោះអាសន្ន បន្ទាប់ពីអ្នកដំណើរជាច្រើនបាននាំគ្នានិយាយថា ធុំក្លិនមិនអាចទ្រាំបាន។ ក្រោយមកទើបដឹងថា យន្តហោះមានដឹកផ្លែទុរេនជាង ២តោន ក្នុងគោលដៅពី Bengulu ទៅកាន់ទីក្រុងហ្សាកាតា។បន្ទាប់ពីដឹងរឿងនេះភ្លាម អ្នកដំណើរបានទាមទារឱ្យយកផ្លែទុរេននោះចេញវិញទាំងអស់ ទើបព្រមបន្តដំណើរ ព្រោះក្លិនរបស់វា មិនអាចឱ្យពួកគេទ្រាំបានឡើយ។
ក្នុងចំណោមនោះ មានអ្នកដំណើរខ្លះ ថែមទាំងប៉ះពាក្យសម្ដីខ្លាំងជាមួយក្រុមអ្នកបម្រើការលើយន្តហោះទៀតផង។ ដោយស្ថានការណ៍មិនអំណោយផល ក្រុមហ៊ុនអាកាសចរណ៍ខាងលើ បានសម្រេចចិត្តយកទុរេនទាំងនោះចេញពីយន្តហោះវិញ។តាមប្រភពព័ត៌មាន BBC បានឱ្យដឹងថា ជើងហោះហើរបានចេញដំណើរក្រោយកាលវិភាគមួយម៉ោង ដោយសារការរើផ្លែទុរេនទាំងនោះ។
ទោះបែបនេះក្ដី ក្រោយមកក្រុមហ៊ុនអាកាសចរណ៍ Sriwijaya បានបញ្ជាក់ខ្លះ ជើងហោះហើររបស់ខ្លួនគ្មានបញ្ហាអ្វីឡើយ ហើយមានសិទ្ធិក្នុងការដឹកផ្លែទុរេនទាំងនោះនៅផ្នែកខាងក្រោមនៃយន្តហោះ ប៉ុន្តែបែរជាអ្នកដំណើរនាំគ្នាប្រកែក មិនឱ្យដឹកទៅវិញ។បើតាមលោក Retri Maya ដែលជាប្រធានផ្នែកសាជីវកម្មជាន់ខ្ពស់ បាននិយាយនៅក្នុងសេចក្ដីថ្លែងការណ៍មួយទៅសារព័ត៌មាន Jakarta Post ក្រោយមានហេតុការណ៍ភ្ញាក់ផ្អើលនេះថា៖ “វាមិនមែនជារឿងខុសច្បាប់ទេ ដែលដឹកផ្លែទុរេននោះ ព្រោះគេបានរុំវាជិតល្អណាស់ ទៅបទបញ្ញត្តិនៃការហោះហើរ។
គេដាក់វាខាងក្នុងប្រអប់តើ ជើងហោះហើរណាក៏គេធ្វើចឹងដែរ”។បើតាមអ្នកដំណើរម្នាក់ដែលជិះយន្តហោះខាងលើឈ្មោះ Amir Zidance បាននិយាយថា នៅពេលរូបគេចូលដល់យន្តហោះភ្លាម ស្រាប់តែធុំក្លិនទុរេនឡើងហួងតែម្ដង។ Amir បានប្រាប់ទៅអ្នកបម្រើការ ប៉ុន្តែខាងក្រុមហ៊ុនបានប្រាប់ឱ្យបំពេញក្រដាសច្បាស់លាស់ពីបញ្ហានេះ។
អ្នកបម្រើការលើយន្តហោះថែមទាំងឆ្លើយតបវិញថា ពេលយន្តហោះឡើងដល់លើអាកាស លែងមានក្លិនទុរេនជះមកក្នុងយន្តហោះទៀតហើយ។បន្ទាប់មកលោក Amir បានស្រែកសួរទៅអ្នកក្នុងយន្តហោះផ្សេងទៀតថា អ្នកនៅលើយន្តហោះនេះ អ្នកខ្លះចង់បន្តដំណើរ? ពួកគេក៏ឆ្លើយវិញថា “អត់ទេ”។ អ្នកដំណើរជាច្រើន ក៏ចាប់ផ្ដើមរអ៊ូរទាំ ហើយអ្នកខ្លះប៊ិះនឹងប៉ះទង្គិចគ្នាជាមួយអ្នកបម្រើការលើយន្តហោះទៀតផង។ ទីបំផុត ខាងក្រុមហ៊ុនអាកាសចរណ៍ក៏បានប្រាប់អ្នកដំណើរ ឱ្យចុះពីលើយន្តហោះសិន រួចធ្វើការទម្លាក់ផ្លែទុរេនវិញ ដោយមិនបន្តដឹកទៀតឡើយ។លោក Anies Wardhana បាននិយាយថា ទុរេនដែលបម្រុងដឹកនោះ មានទម្ងន់ប្រមាណ ២០២៥គីឡូក្រាម។
លោកបាននិយាយថា ខាងព្រលានយន្តហោះគួរចេះវេចខ្ចប់ឱ្យបានត្រឹមត្រូវ មុនពេលដាក់ឡើងយន្តហោះ ចៀសវាងមានបញ្ហាដល់អ្នកដំណើរ។ តាមពិតផ្លែទុរេន ជាផ្លែឈើដែលមានក្លិនបំផុតលើលោក ប៉ុន្តែពេញនិយមនៅអាស៊ី។ ទោះបែបនេះក្ដី មានអ្នកខ្លះចូលចិត្តខ្លាំង ឯអ្នកខ្លះទៀត គ្រាន់តែដាក់ក្បែរមិន៕