ប្រទេសកូរ៉េខាងជើង កំពុងរៀបចំទីតាំងសាកល្បងនុយក្លេអ៊ែរ Punggye-ri របស់ខ្លួន សម្រាប់ការត្រួតពិនិត្យរបស់អន្ដរជាតិ។
យោងតាមភ្នាក់ងារសារព័ត៌មាន Yonhap ឱ្យដឹងនាថ្ងៃពុធនេះថា ប្រទេសកូរ៉េខាងជើង បានយល់ព្រមឱ្យអធិការអន្តរជាតិធ្វើការឃ្លាំមើល
"ការរំសាយជាអចិន្ត្រៃយ៍" នៃទីតាំងសាកល្បងមីស៊ីលដ៏សំខាន់។ ការអនុវត្ដដូច្នេះ គឺដើម្បីជាការដោះដូរនឹងការដកទណ្ឌកម្មសេដ្ឋកិច្ចដែលសហរដ្ឋអាមេរិក និងសហភាពអ៊ឺរ៉ុបដាក់មកលើប្រទេសនេះ។
លើសពីនេះទៀត មេដឹកនាំកូរ៉េខាងជើង គីម ជុងអ៊ុន ក៏បានសន្យាថានឹងមានជំហានបន្ថែមទៀតរួមទាំងការបិទមជ្ឈមណ្ឌលនុយក្លេអ៊ែរ Yongbyon ដ៏សំខាន់ក្នុងប្រទេសផងដែរ ។
គួរឱ្យដឹងថា៖ កូរ៉េខាងជើង បានបញ្ឈប់ការធ្វើតេស្តនុយក្លេអ៊ែរ និងមីស៊ីលកាលពីឆ្នាំមុន ប៉ុន្តែមិនបានអនុញ្ញាតឱ្យមានការត្រួតពិនិត្យនោះទេកាលពីខែឧសភារហូតមកទល់ពេលនេះ៕
ប្រភព៖ Aljazeera
