![](https://blogger.googleusercontent.com/img/b/R29vZ2xl/AVvXsEiT3byvgLOOutWBibjv3VBEu3K1ZWb3R3y1nWATuLKOtSxH8-LDFL5Rll_T8vzKOzS_Ys9aDJb80BB8fC71gXRL9wR8Wi8CfjrGRRxvmipnYUxihZ478TxunG9Nt7OaZPLiGa_2s7AvUQ6T/s1600/fn-2018-10-21-09-02-04-0.jpg)
ការទទួលស្គាល់របស់លោក ដូណាល់ ត្រំា ធ្វើឡើងនៅពេលថ្លែងប្រាប់អ្នកសារព័ត៌មាន កាលពីថ្ងៃសៅរ៍ (ម៉ោងនៅ សហរដ្ឋអាមេរិក) និងបន្ទាប់ពីកាសែត New York Times បានរាយការណ៍ថាប្រធានាធិបតីអាមេរិករូបនេះនឹងដក សហរដ្ឋអាមេរិកចេញពីសន្ធិសញ្ញាស្តីពីអាវុធនុយក្លេអ៊ែររួមគ្នាជាមួយរុស្ស៊ី (INF) នៅសប្តាហ៍ក្រោយ។ ថ្លែងនាឱកាស នោះ លោក ត្រាំ បានគូសបញ្ជាក់ដូច្នេះថា៖«ខ្ញុំមិនដឹងនោះទេថាហេតុអ្វីបានជាប្រធានាធិបតីអូបាម៉ា មិនធ្វើការចរចា ឬដកខ្លួនចេញ...ពីព្រោះពួកគេ (រុស្ស៊ី) បានរំលោភបំពានលើសន្ធិសញ្ញា INF អស់រយៈពេលជាច្រើនឆ្នាំមកហើយ។
សូមជម្រាបថា៖ សន្ធិសញ្ញាអាវុធនុយក្លេអ៊ែរ INF (Intermediate-Range Nuclear Forces) ត្រូវបានចុះហត្ថលេខា ដោយសហរដ្ឋអាមេរិក និងអតីតសហភាពសូវៀតកាលពីឆ្នាំ១៩៨៧ ដែលជាជំហានដ៏សំខាន់មួយឈានទៅរកការ កាត់បន្ថយការប្រឈមមុខដាក់គ្នា រវាងមហាអំណាចធំៗទាំងពីរ កាលពីសម័យសង្គ្រាមត្រជាក់។ សន្ធិសញ្ញាក៏បាន ហាមឃាត់ផងដែរចំពោះការដាក់ពង្រាយប្រភេទមីស៊ីលដែលអាចបាញ់ចេញពីផ្ទៃដីក្នុងរយៈចំងាយចន្លោះ៥០០ ដល់ ៥,៥០០គីឡូម៉ែត្រ៕