គ្រូបង្វឹកសញ្ជាតិព័រទុយហ្គាល់រូបនេះបានលើកកូនដៃរបស់លោកចង្អុលកាមេរ៉ាទូរទស្សន៍ ហើយត្រូវបានគេសង្ស័យថានិយាយជាភាសាកំណើតរបស់លោកថា "fodas filhos de puta" ដែលមានន័យជាភាសាអង់គ្លេសថា "f##k off sons of b#####s "។
តាមរយៈពាក្យសម្ដីទាំងនេះអាចធ្វើឲ្យលោកជាប់ការពិន័យដោយមិនឲ្យឈរបញ្ជាកូនក្រុមរបស់លោកនៅពេលប្រកួតទល់នឹងក្លឹប Chelsea នៅកីឡដ្ឋាន Stamford Bridge ។យ៉ាងណាក៏ដោយ Mourinho មានពេលរហូតដល់ម៉ោង៦ល្ងាច(ម៉ោងនៅប្រទេសអង់គ្លេស) ថ្ងៃសុក្រនេះក្នុងការឆ្លើយតបចំពោះការចោទប្រកាន់របស់សហព័ន្ធកីឡាបាល់ទាត់អង់គ្លេស។
សូមបញ្ជាក់ថា៖ នៅដើមរដូវកាលនេះក្លឹប Manchester United បានបង្ហាញទម្រង់លេងមិនសូវល្អប៉ុន្មានទេដោយក្នុងក្របខ័ណ្ឌលីគកំពូលអង់គ្លេសក្លឹបនេះ ឈ្នះ ៤ដង ស្មើ១ដង និងចាញ់៣ដង ហើយកំពុងឈរនៅចំណាត់ថ្នាក់លេខ៨ដោយមាន១៣ពិន្ទុក្នុងដៃ។ ចំណែកឯក្នុង League Cup វិញក្លឹបបិសាចក្រហមបានធ្លាក់ត្រឹមជុំទី៣ ដោយក្លឹបនៃលីគលំដាប់២ Derby County។ លទ្ធផលទាំងនេះបានធ្វើឲ្យមជ្ឈដ្ឋានបាល់ទាត់យល់ឃើញថាកៅអីអ្នកចាត់ការរបស់ Jose Mourinho កំពុងមានកម្ដៅខ្លាំង៕
ប្រភព៖ Dailymail