(កីឡា)៖ អ្នកចាំទីរបស់ជម្រើសជាតិកម្ពុជា និងក្លឹបបាល់ទាត់ក្រសួងការពារជាតិបានវះកាត់ជង្គង់របស់ខ្លួនជោគជ័យមុននេះនៅប្រទេសវៀតណាម។ អ្នកចាំទីឆ្នើមរបស់កម្ពុជារូបនេះបានឱ្យដឹងពីប្រទេសវៀតណាមថា ជង្គង់របស់ខ្លួនមានសភាពធ្ងន់ធ្ងរ ដែលគ្រូពេទ្យនៅទីនោះមិនទាន់អាចបញ្ជាក់បានថា ពេលណាអាចចូលហាត់វិញ។ ពេលនេះរូបគេកំពុងសម្រាកនៅវៀតណាមសិន។
អ៊ុំ សេរីរ័ត្ន
អ៊ុំ សេរីរ័ត្ន បានសម្រាកព្យាបាលរបួសជង្គង់នេះកាលអំឡុងពាក់កណ្ដាលខែកញ្ញា ឆ្នាំ២០១៨។ អ្នកចាំទីរូបនេះតែងមានមុខសឹងរាល់ដងក្នុងបញ្ជីឈ្មោះកីឡាករ ២៣នាក់ចុងក្រោយរបស់ជម្រើសជាតិកម្ពុជា តែកាលប៉ះម៉ាឡេស៊ី ដែលកម្ពុជាចាញ់ ៣-១ និងស្មើទីម័រខាងកើត ២-២ មិនបានជាប់ជម្រើសជាតិឡើយ ព្រោះរបួស៕
អត្ថបទ៖ ឡៃហ៊ាង
