១.ការបង្ហាញទិន្នន័យថ្មកាន់តែប្រសើរ៖
មូលហេតុធ្វើឲ្យស្រកថ្មរហ័សលើឧបករណ៍នីមួយៗ សុទ្ធសឹងជាដើមចម អ្នកប្រើប្រាស់គ្រប់រូបត្រូវដឹង។ លើ iOS 12 ចូលទៅក្នុង Settings > ត្រង់ទីតាំង Battery នឹងបង្ហាញទិន្នន័យប្រើប្រាស់ជាក្រាហ្វិកថ្មីកាន់តែធំទូលាយ និងងាយស្រួលត្រួតពិនិត្យជាងមុន។
២.ជំនួយការបន្ថែមលើ Face ID៖
អ្នកមានបញ្ហាប្រើប្រាស់ Face ID ពុំដំណើរការប្រក្រតីអំឡុងពេលពាក់មួក វ៉ែនតា ឬរបស់លំអខ្លួនណាមួយលើបរិវេណមុខ អ្នកមានសិទ្ធិចុះឈ្មោះប្រើប្រាស់មុខងារជំនួយបន្ថែម មានក្នុង Settings > Face ID & Passcode > Alternate Appearance (បញ្ជាក់៖ ដើម្បី Remove មុខងារជំនួយនេះបាន ចាំបាច់ត្រូវ Reset Face ID ថ្មី)
៣.ការកំណត់ថេរវេលាលើមុខងារ Do Not Disturb៖
ក្រៅពីការបើកបិទមុខងារមិនឲ្យរំខាន Do Not Disturb អំឡុងពេលប្រជុំឬក្នុងរោងភាពយន្ត អ្នកប្រើក៏អាចកំណត់ថេរវេលាបណ្តោះអាសន្នបានដូចជាឲ្យបើកដល់ពេលវេលាកំណត់ណាមួយ ឬត្រឹមទីតាំងកំពុងឈរជើង ដោយចូលទៅកាន់ Control Center សង្កត់ឲ្យជាប់លើ Do Not Disturb។
៤.អូសទៅលើបិទកម្មវិធី៖
លើ iPhone X ជំនាន់ iOS 11 ចង់បិទកម្មវិធី ចាំបាច់ត្រូវសង្កត់ឲ្យជាប់ដល់ចេញត្រេពណ៌ក្រហមមួយ ប៉ុន្តែ iOS 12 អ្នកអាចដំណើរការ Multitasking កំណត់ដោយខ្លួនឯងតាមរយៈការ Swip Up ទៅផ្នែកខាងលើងាយស្រួលដូចជំនាន់មុន។
៥.Update OS ដោយស្វ័យប្រវត្តិ៖
ត្រង់ Settings > General > Software Update > Automatic Updates ដោយមុខងារនេះអនុញ្ញាតឲ្យ iPhone/iPad ធ្វើការ Update Software ដោយស្វ័យប្រវត្តិ អំឡុងពេលអ្នកចូលដំណេក។
៦.ទម្រង់ប្រើ iPhone X មានលើ iPad៖
អូសមកក្រោមនៅផ្នែកខាងស្តាំចំហៀងខាងលើនៃទូរសព្ទ iPhone X ដើម្បីចូលទៅកាន់ Control Center ឥឡូវនេះមានលើ iPad ដូចគ្នា ពោលគឺអនុញ្ញាតឲ្យម្ចាស់ថេបប្លែតរបស់ Apple អាចចូលទៅ ផ្ទៃ Control Center បានកាន់តែរហ័ស និងងាយស្រួល។
៧.Autofill Shortcodes៖
អ្នកប្រើប្រាស់មុខងារ Two-factor តម្រូវឲ្យផ្ញើកូដចូល SMS លែងហត់នឿយនឹងទៅ Copy Past ទៀតហើយ ដោយត្រឹមចុចលើ Keyboard ដែលមាន Shortcut កំណត់មួយ នោះកូដខ្លីត្រឹម ៦ ទៅ ៨ ខ្ទង់នឹង Autofill ចូលដោយស្វ័យប្រវត្តិ។
៨.បន្ថែម QR Code ក្នុង Control Center៖
QR Code មានក្នុងកម្មវិធីកាមេរ៉ាតាំងពី iOS 11 ប៉ុន្តែលើ iOS 12 អ្នកអាចស្វែងរកបានរហ័សតាមរយៈផ្ទៃ Control Center តែកុំភ្លេចធ្វើការបន្ថែមក្នុងទីតាំង Customize Controls នៃ Settings ផង។
៩.ផ្តាច់ចោល USB Accessories៖
ក្រោយមាន Hacker អាចបំបែកទិន្នន័យ iPhone តាមរយៈរន្ធ USB Port ម្ល៉ោះលើជំនាន់ថ្មី Apple ក៏បញ្ចប់បញ្ហានេះ ដោយអនុញ្ញាតឲ្យមានមុខងារផ្ដាច់ Lightning Port ប្រសិនឧបករណ៍ iOS នៅបើកដំណើរការលើសពីមួយម៉ោង។
១០.Messages Camera៖
ពុំមានការផ្លាស់ប្តូរច្រើនទេក្នុងកម្មវិធី Message គ្រាន់តែថា សម្រាប់ការថតរូប ឬវីដេអូ អ្នកអាចចុចត្រង់រូបផ្កាយនៅចំហៀងខាងក្រោមដើម្បីចូលទៅប្រើប្រាស់ Animoji៕
ប្រភព៖ CNET