លោក ពូទីន និងលោក Jack Ma ចូលរួមកិច្ចពិភាក្សាមួយ ក្នុងវេទិកាសេដ្ឋកិច្ចភាគកើត នៅប្រទេសរុស្ស៊ី នាពេលកន្លងមក
លោក Jack Ma ហាក់ដូចជាភ្ញាក់ផ្អើលនូវសំណួររបស់លោក ពូទីន។ ទោះយ៉ាងណា លោក Ma បានលើកឡើងថា លោកមិននៅក្មេងទៀតនោះទេ។លោក Ma ថា "ខ្ញុំបានប្រារព្ធខួប ៥៤ឆ្នាំរបស់ខ្ញុំនៅក្នុងប្រទេសរុស្ស៊ី កាលពីម្សិលមិញ។ ខ្ញុំបានដំណើរការ Alibaba អស់រយៈពេល ១៩ឆ្នាំហើយ និងបានសម្រេចរឿងខ្លះ ប៉ុន្ដែនៅមានរឿងជាច្រើនទៀត ដែលខ្ញុំសង្ឃឹមថា នឹងសម្រេច ដូចជាការអប់រំ និងសប្បុរសធម៌"។
ក្រោយលឺលោក Ma លើកឡើងដូច្នេះ លោក ពូទីន បានសើច និងនិយាយថា "អ្នកនៅក្មេងជាងខ្ញុំណាស់ ខ្ញុំអាយុ ៦៦ឆ្នាំហើយ"។
សូមបញ្ជាក់ថា កាលពីថ្ងៃចន្ទ ដើមសប្ដាហ៍នេះ លោក Ma បានប្រកាសថា លោកនឹងចូលនិវត្តន៍ នៅថ្ងៃទី១០ ខែកញ្ញា ឆ្នាំ២០១៩ ខាងមុខ៕
ប្រភព៖ MSN
