(ភ្នំពេញ)៖ នៅមុននេះបន្តិចនាព្រលប់ថ្ងៃទី៩ ខែកញ្ញា ឆ្នាំ២០១៨នេះស្ថាបនិកមន្ទីរពេទ្យ គន្ធបុប្ផា លោកវេជ្ជបណ្ឌិត Beat Richner បានទទួលមរណភាពហើយ បន្ទាប់លោកបានធ្លាក់ខ្លួនឈឺរយៈពេលជាយូរមកហើយនោះ។ លោកទទួលមរណភាពនៅវេលាម៉ោង២៖៤៥នាទីព្រឹកថ្ងៃទី០៩ ខែកញ្ញា ឆ្នាំ២០១៨ ក្នុងជន្មាយុ៧១ឆ្នាំ នៅប្រទេសស្វីស។ នេះរដ្ឋមន្រ្តីក្រសួងសុខាភិបាលលោក ម៉ម ប៊ុនហេង បានថ្លែងប្រាប់បណ្តាញព័ត៌មាន
Fresh News នាព្រលប់នេះ។
លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផាដ៏ល្បីឈ្មោះ ធ្លាប់មានបំណងប្រាថ្នាធំៗ៣ មុនលោកបានលាចាកពីលោកនេះទៅ។
លោក មាស សារិទ្ធិ ប្រធានការិយាល័យរដ្ឋបាល នៃមន្ទីរពេទ្យគន្ធបុប្ផា ដែលបម្រើការងារនៅមន្ទីរពេទ្យនេះជាង២០ ឆ្នាំកន្លងមកបានរំលឹកថា បំណងប្រាថ្នាលោកវេជ្ជបណ្ឌិត Beat Richner គឺ៖
០១. ក្នុងនាមជាគ្រូពេទ្យកុមារ ដាច់ខាតលោកត្រូវតែព្យាបាលកុមារប្រកបដោយសុខុមាលភាព។
០២. ការព្យាបាលចំគោលដៅ មានប្រសិទ្ធភាព ស្មើភាពគ្នា មិនមានអំពើពុករលួយ ប្រកបដោយគុណធម៌ និងសុវត្ថិភាពចំពោះកុមារ ។
០៣. ស្តង់ដាព្យាបាលដូចគ្នានឹងបណ្តាប្រទេសជឿនលឿន និងមាននិរន្តភាព។
