បាត់ដំបង៖ ផ្សារបឹងឈូកមិនត្រឹមតែលក់អាហារត្រី សាច់ឬសំលៀកបំពាក់ទំនើបៗនោះទេថែមទាំងមានលក់កន្ទុយលេខយួន-សៀមនៅផ្ទះមួយដែលគេនិយមហៅថា(72)លក់ឆ្នោត។ពិតជាគួរអោយអស់សំណើចមែនមេកន្ទុយលេខមួយនេះមិនខ្លាចញញើតសមត្ថកិច្ចឬអាជ្ញាធរពាក់ព័ន្ធឡើយមុនបោះឆ្នោតក៍លេង ក្រោយបោះឆ្នោតក៍លេង។
តើភូមិឃុំមានសុវត្ថភាពនៅដល់ឋានណាហេតុអ្វីសមត្ថកិច្ចមើលមិនឃើញសោះអញ្ចឹង? ក្រុមការងារយើងខ្ញុំសូមបញ្ជាក់ថាទីតាំងមេកន្ទុយលេខដុះស្លែមួយនេះស្ថិតនៅខាងមុខផ្សារបឹងឈូកឈាងខាងជើងជាប់នឹងជាងមាស សមត្ថកិច្ចចាប់មិនបានសង្ស័យត្រូវថ្នាំសន្តំច្រើនទើបមើលមិនឃើញសោះ។
លោកផេង សិទ្ធី ចៅហ្វាយក្រុង បាត់ដំបង គួរសហការជាមួយសមត្ថកិច្ចចុះចាប់មេកន្ទុយលេខខាងលើនិងទីតាំងជាច្រើនស្ថិតក្នុងសង្កាត់ព្រែកមហាទេព ក្រុងបាត់ដំបង ដើម្បីបង្ហាញថ្វីដៃក្រោយការឆ្នោតត្រូវបានបញ្ចប់។