ភ្នំពេញ៖ ករណីនេះបានកើតឡើងតាំងពីថ្ងៃទី១ ខែសីហា ឆ្នាំ២០១៨ ក្មេងរងគ្រោះម្នាក់បានយកថ្នាំងងុយដេកប្រហែល៥០គ្រាប់ ដើម្បីលេបសម្លាប់ខ្លួន ក៏ត្រូវម្តាយមកទាន់សួរនាំ ទើបដឹងរឿងហេតុខាងលើ ក៏នាំជនរងគ្រោះទៅពិនិត្យសុខភាពនៅមន្ទីរពេទ្យ បង្អែករាជធានីភ្នំពេញ រួចមកដាក់ពាក្យបណ្តឹងតែម្ដង ។
តាមដំណើររឿងហេតុ កាលពីវេលាម៉ោង៧៖០០នាទីព្រលប់ ថ្ងៃទី២៧ ខែកក្កដា ឆ្នាំ២០១៨ ជនរងគ្រោះ និងជនសង្ស័យ២នាក់ បាននាំគ្នាផឹកស្រានៅផ្ទះមិត្តភក្តិនៅភូមិតាងៅក្រោម សង្កាត់និរោធ ខណ្ឌច្បារអំពៅ។ ពេលនោះជនរងគ្រោះស្រវឹងស្រាពេក ក៏ឲ្យជនសង្ស័យទាំង២នាក់ ជិះម៉ូតូជូនទៅផ្ទះ។ ស្រាប់តែជនសង្ស័យឌុបជនរងគ្រោះចូលផ្ទះសំណាក់ ដាលីន បន្ទប់លេខ៦ រួចជនសង្ស័យឈ្មោះ ប៊ូ សំណាង ចាប់រំលោភជនរងគ្រោះបានសម្រេច រួចជនសង្ស័យឈ្មោះ ទូច ឡុងឃុន ក៏ចាប់ជនរងគ្រោះស្រាតខោបម្រុងរំលោភដែរ តែជនរងគ្រោះរើបម្រាស់ជនសង្ស័យឈ្មោះ ទូច ឡុងឃុនក៏លែងវិញ ។
បន្ទាប់មកជនសង្ស័យឈ្មោះ ប៊ូ សំណាង ក៏ចាប់រំលោភជនរងគ្រោះម្តងទៀត បានសម្រេចទៀត។ លុះដល់ថ្ងៃទី៤ ខែសីហា ឆ្នាំ២០១៨ ម៉ោង១៤៖០០នាទី ក្រុមគ្រួសារជនរងគ្រោះឃើញជនសង្ស័យទាំង២នាក់ កំពុងនៅភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ ក៏ឃាត់ខ្លួនប្រគល់ឲ្យសមត្ថកិច្ច ចាត់ការតាមនីតិវិធីច្បាប់ ។