ជំនួញ​ព្រៃឈើ​ស្ទុះ​ឡើង​យ៉ាង​ខ្លាំង​ ក្រោយ​ផ្លាស់​ប្តូរ​ប្រធាន​មេព្រៃ​ស្រុក​ស្វាយ​លើ!!!​

ខេត្តសៀមរាប​៖​ បន្ទាប់​ពី​មានការ​ផ្លាស់​ប្តូរ​ប្រធាន​មេព្រៃ​ស្រុក​ស្វាយ​លើ​ចាស់​ ដាក់​ជំនួស​វិញ​ដោយ​អ្នក​ថ្មី​ គេ​សង្កេត​ឃើញ​សកម្មភាព​ដឹក​ ជញ្ជូន​ឈើ​ល្មើសច្បាប់​ បាន​ហក់​ឡើង​យ៉ាង​ខ្លាំង​ត្រឹម​រយៈពេល​ជាង​ពី​ខែ​ចុង​ក្រោយ​នេះ​។​

​សកម្មភាព​ដឹក​ជញ្ជូន​ឈើ​ល្មើសច្បាប់​តាម​រថយន្ត​តូច​,​ធំ​,​និង​គោ​យន្ត​កន្ត្រៃ​ទាំងនេះ​ក្នុង​មួយ​យប់ៗ​មិន​តិច​ជាង​១០០​គ្រឿង​នោះ​ទេ​ ឆ្លងកាត់​ស្នាក់​ការ​សង្កាត់​រដ្ឋបាល​ព្រៃឈើ​ស្រុក​ស្វាយ​លើ​។​ ក្រៅពី​ដឹក​ពេល​យប់​ ក៏​មាន​រថយន្ត​ខ្លះ​ដឹក​ទាំង​កណ្តាល​ថ្ងៃ​រហូត​បង្ក​គ្រោះថ្នាក់​ដល់​ជីវិត​មនុស្ស​ថែម​ទៀ​ផង​ដែរ​។​ ចំណែកឯ​ការ​បង្ក្រាប​វិញ​ ប្រសិនបើ​រថយន្ត​ទាំងនោះ​ មិន​បាន​បើក​បុក​មនុស្ស​ឬ​ បង្ក​គ្រោះថ្នាក់​អ្វីមួយ​នោះ​ទេ​ មិន​មាន​សមត្ថកិច្ច​រូប​ណា​ឆ្លើយ​ថា​បានដឹង​នោះ​ឡើយ​ តែបើ​គ្រោះថ្នាក់​ហើយ​មាន​ឈើ​នៅ​លើ​ឡាន​ទើប​ឃើញ​ខាង​មេព្រៃ​ទៅ​ទទួលយក​ឈើ​ទៅ​រក្សា​ទុក​។​ ផ្ទុយ​ទៅ​វិញ​ ប៉ុស្តិ៍​ស្នាក់​ការ​ និង​កុងត្រូល​ចាំ​រាប់​ក្បាល​ឡាន​ដឹកឈើ​ គិត​ត្រឹម​ពី​ស្រុក​ស្វាយ​លើ​ និង​ស្រុក​សូទ្រនិគម​ មាន​មិន​តិច​ជាង​២០​កន្លែង​នោះ​ឡើយ​។​ ដោយសា​តែ​ស្រុក​ស្វាយ​លើ​ និង​ស្រុក​សូទ្រនិគម​ ជា​ប្រភព​បទល្មើស​ព្រៃឈើ​ឆ្លងកាត់​នោះ​ ក៏​បាន​បង្ខំចិត្ត​អ្នកកាសែត​មួយ​ចំនួន​តូច​ យក​ឡាន​ទៅ​ចត​ចាំ​ប្រដេញ​ស្ទាក់​ឡាន​ដឹកឈើ​ រហូត​បង្ក​គ្រោះថ្នាក់​ចរាច​ណ៍​ទៀត​ផង​។​

​ប្រភព​ច្បាស់​ការណ៍​បាន​ឲ្យ​ដឹង​ថា​ ជា​រៀង​រាល់​យប់​មាន​គោ​យន្ត​កន្ត្រៃ​ជា​ច្រើន​គ្រឿង​ដឹក​ជញ្ជូន​ឈើ​ចេញពី​ភូមិ​ត្រពាំង​ស្វាយ​ ឆ្លងកាត់​ស្រុក​ស្វាយ​លើ​ មក​លក់​ឲ្យ​ឈ្មួញកណ្តាល​ ដើម្បី​ដឹក​បន្ត​តាម​ឡាន​ មក​កាន់​ដេប៉ូ​ក្នុង​ក្រុង​សៀមរាប​។​ការ​ដឹក​ជញ្ជូន​ឈើ​របស់​ក្រុម​ឈ្មួញ​ខាងលើ​គឺ​មិន​មាន​សមត្ថកិច្ច​ណា​ទៅ​ចាប់ចង​អ្វី​នោះ​ទេ​ ពីព្រោះ​ពួក​គេ​បាន​រត់ការ​ផ្លូវ​ ជា​មុន​រួច​អស់ហើយ​ ពិសេស​សង្កាត់​មេព្រៃ​ស្រុក​ស្វាយ​លើ​តែ​ម្តង​។​ មិន​ចឹ​ង​ទេ​ ទោះ​ដឹក​តាម​យន្តហោះ​ ក៏​មិន​រួច​ពី​កណ្តាប់​ដែ​ពួក​គេ​ដែរ​។​ ប្រភព​បន្ត​ថា​ កាល​ប្រ​ ធាន​មេព្រៃ​ស្រុក​ស្វាយ​លើ​ចាស់​ឈ្មោះ​យ៉ា​ន់​ ស៊ី​វ៉ា​ត់​ នៅ​ឈរជើង​ ទោះ​ពេល​ខ្លះ​គេ​បើក​ភ្លើ​ខៀវ​អោយ​ ក៏​ពេល​ខ្លះ​គេ​បង្ក្រាប​ម្តងម្កាល​ដែរ​។​ចំណែក​លោក​ប្រធាន​ថ្មី​ឈ្មោះ​ម៉ែ​ន​ វុ​ទ្ធី​ ហៅ​ (​ឡ​យ​)​ឡើង​មក​កាន់​តំណែង​ នេះ​ រយៈពេល​ជាង​២​ខែ​ ភ្លើង​ខៀវ​រហូត​ទាំង​យប់​ទាំង​ថ្ងៃ​។​ សូម​បញ្ជាក់​ថា​ កាលពី​ជាង​កន្លះ​ខែ​មុន​ប៉ូលិស​ចាប់​ឡាន​ធុន​ធំ​ដែល​ដឹកឈើ​ចេញពី​ស្រុក​ស្វាយ​លើ​ទាំង​កណ្តាល​ព្រឹក​។​ ក្នុង​គ្រានោះ​មេ​ប៉ូលិស​លើក​ ឡើង​ថា​ ប៉ុស្តិ៍​២០​ទៅ​៣០​កន្លែង​តាម​ដងផ្លូវ​ ម្តេច​គ្មាន​អ្នក​ណា​ឃើញ​។​ លុះ​ល្ងាច​ថ្ងៃ​ទី​៤​ ខែមិថុនា​នេះ​ ឡាន​ដឹកឈើ​ ម៉ាក​ធុន​ត្រា​ បុក​មនុស្ស​ស្លាប់​ក្នុង​ទឹកដី​ស្រុក​សូទ្រនិគម​ទៀត​ សុទ្ធតែ​អត់​មាន​អ្នក​ណា​ដឹង​ថា​ ជា​ឡាន​ដឹកឈើ​។​

​ក្នុង​ករណី​ខាងលើ​នេះ​លោក​ម៉ុង​ ប៊ុ​ន​លិ​ម​ នាយ​ខណ្ឌ​រដ្ឋបាល​ព្រៃឈើ​សៀមរាប​ បាន​ថ្លែង​ថា​ ឈើ​ដែល​ឡាន​ធុន​ត្រា​បុក​មនុស្ស​ស្លាប់​ដឹក​នោះ​កំពុង​រង​ចាំ​ការ​ប្រគល់​អោយ​ពី​ខាង​ប៉ូលិស​ដើម្បី​យក​រក្សា​ទុក​ក្នុង​សង្កាត់​ដំ​ដែក​។​ ចំណែក​ថា​បទល្មើស​ព្រៃឈើ​ឆ្លងកាត់​ ស្រុក​ស្វាយ​លើ​គ្មាន​អ្នក​បង្ក្រាប​នោះ​ ទាល់តែ​ប្រធាន​សង្កាត់​នៅ​ទីនោះ​ទើប​ដឹង​។​

លោក​ម៉ែ​ន​ វុ​ទ្ធី​ ប្រធាន​សង្កាត់​មេព្រៃ​ស្រុក​ស្វាយ​លើ​ដែល​ទើប​ឡើង​កាន់​ដំណែង​ថ្មីៗ​ បាន​ប្រាប់​ថា​ ឡាន​ធុន​ត្រា​ ដែល​បុក​មនុស្ស​ស្លាប់​ គឺ​ដឹកឈើ​ចេញពី​ខេត្តព្រះវិហារ​។​ នៅ​ពេល​សួរ​ថា​ រយៈពេល​ជាង​២​ខែ​នេះ​ ការ​ដឹក​ជញ្ជូន​ឈើ​ឆ្លង​ កាត់​ស្រុក​ស្វាយ​លើ​ មាន​អា​ត្រា​ខ្ពស់​ ខុស​ពី​ស​ប្តិ​មួយ​ដង​ ហើយ​មិន​ដែល​ឃើញ​បង្ក្រាប​ លោក​ឆ្លើយ​ថា​ ជាប់​ប្រជុំ​។​ ​ចំណុច​នេះ​ ក៏​មានការ​លើក​ឡើង​ថា​ តំណែង​ពី​មន្ត្រី​ ហក់​ឡើងជា​ប្រធាន​ តម្លៃ​អាច​ខ្ពស់​គួ​សម​ដែរ​ហើយ​។​ ចឹ​ង​ទេ​ ចាំបាច់​ត្រូវ​កើប​យក​មក​វិញ​ បណ្តើរៗ​ទើបបាន​ ។


ជំនួញ​ព្រៃឈើ​ស្ទុះ​ឡើង​យ៉ាង​ខ្លាំង​ ក្រោយ​ផ្លាស់​ប្តូរ​ប្រធាន​មេព្រៃ​ស្រុក​ស្វាយ​លើ!!!​ ជំនួញ​ព្រៃឈើ​ស្ទុះ​ឡើង​យ៉ាង​ខ្លាំង​ ក្រោយ​ផ្លាស់​ប្តូរ​ប្រធាន​មេព្រៃ​ស្រុក​ស្វាយ​លើ!!!​ Reviewed by Bunlors on 6/05/2018 Rating: 5
Powered by Blogger.