អត្ថបទ និងព័ត៌មានថ្មីៗ

បើអត់ជិះម៉ូតូចូលទៅសងប្រាក់... កុំអីអត់ដឹងថា គាត់ត្រូវគេសម្លាប់ទេខេត្តបាត់ដំបង

បញ្ចូលដោយ៖ Unknown - 01/10/2017

សេចក្តីរាយការណ៍បឋមឱ្យដឹងថា មានករណីឃាតកម្មមួយដែលកំពុងសង្ស័យថា ជាករណីសម្លាប់ប្លន់យកទ្រព្យសម្បត្តិ ដោយភ្ញាក់ផ្អើលនៅពេលមានមនុស្សម្នាក់ បានជិះម៉ូតូចូលទៅក្នុងផ្ទះលក់ដីដើម្បីយកប្រាក់ទៅសង ស្រាប់តែប្រទះឃើញម្ចាស់ផ្ទះដែលជាស្ត្រីចំណាស់ម្នាក់ ត្រូវគេវាយសម្លាប់ក្នុងថ្លុកឈាម ហេតុការណ៍នេះភ្ញាក់ផ្អើល កាលពីវេលាម៉ោង១២ថ្ងៃត្រង់ថ្ងៃទី៣០ កញ្ញា ស្ថិតក្នុងផ្ទះលក់ជីក្នុងភូមិអូសទូក ឃុំកំពង់ព្រៀង ស្រុកសង្កែ ខេត្តបាត់ដំបង ។សេចក្តីរាយការណ៍បន្តថា ស្ត្រីដែលស្លាប់មានឈ្មោះឡា មួយ អាយុ៦៥ឆ្នាំ ជាអ្នកលក់ជី បានរងរបួសក្បាលច្រើនកន្លែង ។ ប្រភពឱ្យដឹងទៀតថា សព្វថ្ងៃស្ត្រីរងគ្រោះរស់នៅតែម្នាក់ឯងនៅក្នុងផ្ទះកើតហេតុ ដោយមានរបរលក់ជីផងដែរ ។ ចំណែកឯកូនៗរបស់គាត់បានទៅធ្វើការនៅក្រុងបាត់ដំបងអស់ ។បើតាមការពិនិត្យរបស់សមត្ថកិច្ចឱ្យដឹងថា ស្ត្រីរងគ្រោះត្រូវវាយសម្លាប់ត្រង់ក្បាល ព្រោះមានស្នាមជាច្រើនកន្លែង និងបានបាត់កាបូបលុយដែលគាត់តែងតែស្ពាយជាប់ខ្លួននោះផងដែរ ។ សមត្ថកិច្ចបន្តថា ជនដៃដល់អាចមានគ្នាចាប់ពី២នាក់ឡើងទៅ ព្រោះបន្ទាប់ពីសម្លាប់ស្ត្រីរងគ្រោះរួច បានចូលទៅរើកកាយរបស់របរពេញក្នុងបន្ទប់ស្ត្រីរងគ្រោះទៀតផង ។ តែទោះបីជាយ៉ាងណា សមត្ថកិច្ចនៅមិនទាន់កំណត់ថា មានបាត់បង់ទ្រព្យសម្បត្តិអ្វីទេ ខណៈកំពុងធ្វើការពិនិត្យ ។សមត្ថកិច្ចសង្ស័យទៀតថា ហេតុការណ៍ខាងលើនេះ អាចក្រុមចោរធ្វើសកម្មភាពមុនម៉ោង១២នេះទៀត ព្រោះសាកសពបានរឹងក្រញង់ទៅហើយ មុនពេលដែលមានមនុស្សចូលទៅប្រទះឃើញនេះ ។អត្ថបទ ទេព វណ្ណះ