ថ្មីៗនេះនៅលើទំព័រ Facebook ផ្លូវការរបស់ Huawei បានបង្ហោះវីដេអូខ្លីមួយដែលទំនងជាឌឺដងឲ្យមុខងារស្កេនមុខ (Face ID) នៅលើ iPhone X។
តាមរយៈវីដេអូមិនមានរៀបរាប់អ្វីច្រើននោះទេ ដោយគ្រាន់តែបង្ហាញពីបញ្ហាបច្ចេកទេសគឺការប្រើប្រាស់មុខងារស្កេនមុខរបស់ស្មាតហ្វូនមួយ។ ត្បិតថាមិនបានបង្ហាញរូបរាងពេញរបស់ស្មាតហ្វូន ប៉ុន្តែតាមរយៈប៊ូតុងនៅផ្នែកខាងឆ្វេង និងខាងស្ដាំ រួមទាំងផ្ទៃអេក្រង់ គេអាចសន្និដ្ឋានបានថាជា iPhone X។
វីដេអូខ្លីនេះក៏មានអមនូវសារដែលមានអត្ថន័យថា ៖ "ទទួលស្គាល់ទៅ មុខងារចំណាំផ្ទៃមុខមិនមែនសម្រាប់គ្រប់គ្នានោះទេ។ ចាក់សោថ្ងៃអនាគតជាមួយនឹង #TheRealAIPhone ថ្ងៃទី ១៦ ខែតុលា ឆ្នាំ ២០១៧”។
សារនេះចង់បញ្ជាក់ថានៅថ្ងៃទី ១៦ ខែតុលាខាងមុខ ជាការបង្ហាញវត្តមានជាផ្លូវការនូវស្មាតហ្វូន AI ពិតៗ ដែលគេស្គាល់ថាជា Huawei Mate 10 ដោយជាគូប្រជែងដ៏ខ្លាំងក្លារបស់ iPhone X និង Note 8៕
ប្រភព៖
The Verge
