ហេតុការណ៍ដ៏រន្ធត់នេះ បានកើតឡើងនារសៀលថ្ងៃទី០៧ កញ្ញា ស្ថិតក្នុងតំបន់សេដ្ឋកិច្ចភ្នំពេញ ក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។ អ្នកបើកបររថយន្តកុងតឺន័រ មិនត្រូវបានស្គាល់ឈ្មោះនោះទេ ដោយត្រូវបានបញ្ជូនទៅការិយាល័យចរាចរណ៍ផ្លូវគោករាជធានីភ្នំពេញបាត់ ។ បន្សល់ទុករថយន្តនៅកន្លែងកើតហេតុដែលជារបស់ផែស្ងួតពេជ្រ ស្រ៊ុន មានពាក់ស្លាកលេខ (ក្បាល) ភ្នំពេញ៣A-១៦៧២ និង (កន្ទុយ) លេខភ្នំពេញ៤A-០៩៣៤ ។ ដោយឡែក ខាងម៉ូតូកង់៣ អ្នកបើកឈ្មោះពំ វុទ្ធាដារិទ្ធ អាយុ៣៣ឆ្នាំ មានទីលំនៅត្រពាំងឈូក សង្កាត់បឹងធំ ខណ្ឌពោធិ៍សែនជ័យ ។ រីឯក្មេង១១នាក់ មានម្នាក់រងរបួសធ្ងន់ ។
ទាក់ទិនហេតុការណ៍ខាងលើ ត្រូវគេដឹងថា មុនពេលកើតហេតុ រថយន្តកុងតឺន័រ និងម៉ូតូកង់៣ កំពុងធ្វើដំណើរស្របទិសគ្នា (ពីជើងទៅត្បូង) ។ លុះមកដល់ចំណុច រថយន្តកុងតឺន័រ បានបើកវ៉ាម៉ូតូទៅមុន ហើយមិនដឹងយ៉ាងម៉េច ក៏ត្រូវម៉ូតូកង់៣ចាប់ហ្វ្រាំងមិនទាន់ជ្រុលបុករថយន្តពីក្រោយតែម្តង ៕អត្ថបទ ទេព វណ្ណះ
