ព្រះសង្ឃមួយអង្គព្រះនាម Wirun Thamaphirak គង់នៅវត្ត Pai Moo Khid Thamataram ដែលមានទីតាំងស្ថិតនៅក្នុងខេត្ត Ang Thong ស្ថិតនៅចំកណ្ដាលប្រទេសថៃកំពុងល្បីពេញលើបណ្ដាញសង្គម Facebook ដោយសារព្រះអង្គបានចារយ័ន្តដើម្បីជួយ Liverpool ឈ្នះពាន Premier League រដូវកាលនេះ។
ព្រះសង្ឃ Wirun Thamaphirak
យ័ន្តដែលព្រះសង្ឃខាងលើធ្វើឡើងត្រូវបានសរសេរជាច្រើនផ្ទាំងលើក្រណាត់ស្ដើងៗដើម្បីដាក់លក់ដល់អ្នកគាំទ្រ Liverpool ដែលមានបំណងចង់ជាវដោយក្នុងមួយផ្ទាំងគឺមានតម្លៃ១០០បាត។ ក្រៅពីចារលើក្រណាត់គេក៏ឃើញមានការបោះពុម្ពលើអាវយឺតផងដែរ។
ចំណូលដែលបានពីការលក់យ័ន្តត្រូវបានព្រះសង្ឃ Wirun បញ្ជាក់ថានឹងយកទៅប្រើក្នុងការសាងសង់ព្រះវិហារក្នុងវត្តដែលមិនទាន់រួចរាល់ជាស្ថាពរ៕
ប្រភព៖ Newssiam
