លោកត្រាំ ថ្លែង​សុន្ទរកថា​តាម​ទូរទស្សន៍​ការពារ​គម្រោង​សាងសង់​ជញ្ជាំង​ព្រំដែនជាមួយ​ម៉ិចស៊ិក!!!

អាមេរិក៖ នៅ​ក្នុង​សុន្ទរកថា​ថ្លែង​ទៅ​កាន់​ប្រជាជាតិ​​ជា​លើក​ដំបូង ពី​សេតវិមាន លោក ដូណាល់​ ត្រាំ បាន​ជ្រើសរើសប្រើ​​ពាក្យ​ពេជន៍​បែប​មនោសញ្ចេតនា។ លោក​បាន​លើក​ឡើង​អំពី​ ជោគវាសនា​កុមារ​​ក្នុង​ដៃ​ឈ្មួញ​ អំពី​ស្ត្រី​រងគ្រោះ​ក្នុង​អំពើ​ហិង្សា និង​អំពី​រីក​សាយភាព​នៃ​ការ​ជួញដូរ​គ្រឿង​ញៀន​ក្នុង​សង្គម​អាមេរិក ព្រមទាំង​អំពីឧក្រិដ្ឋកម្ម​បង្ក​ឡើង​ដោយ​ជន​ខុសច្បាប់ ...

ទាំង​នេះ​គឺ​ដើម្បី​បញ្ជាក់​អំពី​ស្ថានភាព​ដ៏​អាក្រក់​​នៅអាមេរិក ដែល​បើ​តាម​លោក​ត្រាំ ​ដំណោះស្រាយ​មាន​តែ​មួយ​គត់ ៖ សាងសង់​ជញ្ជាំងតាម​ព្រំដែន​ជាមួយ​ម៉ិចស៊ិក ដើម្បី​ទប់​ស្កាត់​លំហូរ​អន្តោប្រវេសន៍​ខុស​ច្បាប់ ! ជា​ជញ្ជាំង​ធ្វើ​ពី​ដែកថែប មិន​មែន​ត្រឹម​តែ​ជា​ជញ្ជាំង​ធ្វើ​ពី​បេតុង​ទេ។ ដើម្បី​សម្រេច​គម្រោង​នេះ លោក ត្រាំ បាន​ទាមទារ​ជា​ថ្មី ថវិកា ៥៧០០លាន​ដុល្លារ។

លោកប្រធានាធិបតី​បាន​​​ទម្លាក់​ទំនួល​ខុស​ត្រូវ ទៅ​លើ​បក្ស​ប្រឆាំង។ បើ​តាម​លោក​ត្រាំ រដ្ឋបាល​សហព័ន្ធជាប់​គាំង​មិន​ដំណើរការតាំង​ពី​ថ្ងៃទី ២១​ធ្នូមក​ ​បណ្តាលមក​ពី​​មូលហេតុ​តែ​មួយគត់ គឺ ​អ្នក​​ប្រជាធិបតេយ្យ​​បដិសេធ​មិន​ផ្តល់​ហរិញ្ញវត្ថុ​ដល់​ផ្នែក​សន្តិសុខព្រំដែនជា​កិច្ច​​បញ្ចប់​សន្ទរកថា​ លោក​បាន​អះអាងថា​ លោក​ធ្វើ​គ្រប់​យ៉ាង​ដើម្បី​ការពារសហរដ្ឋ​អាមេរិក ដូច​អ្វី​ដែល​លោក​បាន​ស្បថ​ពេល​ចូល​កាន់​តំណែង។

ក្រោយ​សុន្ទរកថា​របស់​លោក​ប្រធានាធិបតី អ្នក​ប្រជាធិបតេយ្យ​ក៏​មាន​សិទ្ធិ​បញ្ចេញ​សំឡេង​តាម​កញ្ចក់​ទូរទស្សន៍​ដូច​គ្នា។ ប្រធាន​សភា​​មក​ពី​បក្ស​ប្រជាធិបតេយ្យ​ បាន​ចោទ​លោក​ត្រាំ ថា​ចូល​ចិត្ត​បំភ័យ​ ជាង​បង្ហាញ​ការ​ពិត។ ប្រមុខ​បក្ស​ប្រឆាំង​នៅ​ព្រឹទ្ធ​សភា​ បាន​អំពាវនា​វ​ឱ្យ​លោក​ប្រធានាធិបតី​កុំ​យក​មន្ត្រី​រដ្ឋ​ការ​ជា​ចំណាប់​ខ្មាំង​ ដោយ​ត្រូវ​ទម្លាយ​ថវិកា​ដើម្បី​ឱ្យ​រដ្ឋាភិបាល​សហព័ន្ធ​ដំណើរ​ការ​ឡើង​វិញ ហើយ​ចាត់​ចែង​រឿង​សន្តិសុខ​ព្រំដែន​តាម​ក្រោយ។ សម្រាប់​​អ្នក​ប្រជាធិបតេយ្យ​ ដែល​ក៏​គិត​គូរ​ខ្លាំង​អំពី​បញ្ហា​សន្តិសុខ​ព្រំដែន​ ​ការ​សង់​ជញ្ជាំង​មិន​មែន​ជាចម្លើយ​សមស្រប​ឡើយ​។

បើ​សុទ្ធ​តែ​ខ្លាំង​ដូចគ្នា ​ការ​ជាប់​គាំង​នឹង​បន្ត​អូស​បន្លាយ​យូរ​ថ្ងៃ​ទៀត​ឬ ? ការចរចា​កំពុង​បន្ត​ ហើយ​អាច​នឹង​ត្រូវ​ទម្លាយ​បាន​ក្នុង​រយៈពេល​តែ​៤៥​នាទី​ផង​ ! នេះ​បើ​តាម​ការ​ព្រលយ​​របស់​លោកដូណាល់ត្រាំ ដែល​បាន​កោះ​ហៅ​មេដឹកនាំ​សភា​មក​ជួប​នៅ​ថ្ងៃពុធ​នេះ នៅ​សេតវិមាន៕(អត្ថបទដកស្រង់ដោយ ទេព វណ្ណះ)
លោកត្រាំ ថ្លែង​សុន្ទរកថា​តាម​ទូរទស្សន៍​ការពារ​គម្រោង​សាងសង់​ជញ្ជាំង​ព្រំដែនជាមួយ​ម៉ិចស៊ិក!!! លោកត្រាំ ថ្លែង​សុន្ទរកថា​តាម​ទូរទស្សន៍​ការពារ​គម្រោង​សាងសង់​ជញ្ជាំង​ព្រំដែនជាមួយ​ម៉ិចស៊ិក!!! Reviewed by Soeurm Ro on 1/09/2019 Rating: 5
Powered by Blogger.