ទេព បូព្រឹក្សទាមទារសំណងពីជនបង្កជះទឹកស្រាបៀរចំនួន១០មុឺនដុល្លា!!!

ភ្នំពេញ៖ ទាក់ទង​ទៅ​នឹង​ករណី​ជះ និង​គប់​កំប៉ុង​ស្រា​បៀរ​ទៅ​លើ​តារាចម្រៀង​ស្រី ទេព បូ​ព្រឹក្ស នៅ​លើ​ឆាក​តន្ត្រី​ នា​ព្រឹក​ថ្ងៃ​ទី២៧ ខែធ្នូ ឆ្នាំ២០១៨ លោក​ហេង ឡុ​ង ជា​គូស្នេហ៍​អ្នក​នាង​ច​ន ច័ន្ទ​ល​ក្ខិ​ណា និង​ជា​ប្រធាន​សមាគម​មិត្ត​សិល្បៈ​ស្ម័គ្រចិត្ត​ជួយ​សង្គម បាន​សរសេរ​ក្នុង​គណនី​ហ្វេ​ស​ប៊ុ​ករប​ស់លោក ​ថា ​ក្រុម​មេធាវី​ស្ម័គ្រចិត្ត របស់​កញ្ញា​ទេព​បូ​ព្រឹក្ស បាន​ជួប​ផ្ទាល់​ជាមួយ​ និង​ជន​បង្ក ឈ្មោះ ឆេ​ង រស្មី (​រូប​ខាងក្រោម​) ដែល​ជា​អ្នក​គប់​កំប៉ុង​ស្រា​បៀរ​មក​លើ​កញ្ញា។

លោក ហេង ឡុ​ង លើក​ឡើង​ថា ទាំង​ជន​បង្ក និង​ទាំង​ម្ចាស់​ហាង បាន​ឆ្លើយ​ថា ខ្លួន​ស្រវឹង តើ​បងប្អូន​ទាំងអស់​គ្នា​ទទួលយក​បាន​ទេ ?បើ​គ្រាន់តែ​ពួក​គាត់​ឆ្លើយ​ដោះសា​រថា ស្រវឹង​បែប​នេះ ?
តើ​ភាព​ឈឺចាប់ និង​ខ្មាស់​គេ​ប៉ុណ្ណា រហូត​ហ៊ាន​ទៅ​ដល់​ធ្វើការ live យំ​ស្រែក​តាម facebook ដើម្បី​សុវត្ថិភាព​ផ្ទាល់ខ្លួន និង​ឲ្យ​មហាជន​ជួយ​រក​យុត្តិធម៌ ?

លោក ហេង ឡុ​ង ក៏​បាន​បញ្ជាក់​ថា សំណូមពរ​របស់​ភាគី កញ្ញា ទេព បូ​ព្រឹក្ស​មាន ៣​ចំណុច​ដូច​ខាងក្រោម ៖
ទី​១. ធ្វើ​សន្និសីទកាសែត​សុំ​ទោស​ជា​សាធារណៈ
ទី​២. សំណង​រដ្ឋប្បវេណី​ខូចខាត​កិត្តិយស​ចំនួន 10 ម៉ឺន​ដុល្លារ
និង​ទី​៣. ធ្វើ​កិច្ចសន្យា​ចំពោះ​មុខ​អាជ្ញាធរ មិន​គុំ​គួ​ន សងសឹក​គ្នា បញ្ចប់ទំនាស់​ដោយ​សន្តិវិធី ទោះជា​យ៉ាងណា ភាគី​ជន​បង្ក ក៏​បាន​ដកឃ្លា ដើម្បី​ពិចារណា​ទៅ​លើ​សំណូមពរ​ទាំង​បី​របស់​ជន​រង​គ្រោះ ។

សូមរម្លឹកថា​ តារាចម្រៀង​ស្រី​ល្បីឈ្មោះ​ប្រចាំ​ផលិតកម្ម​រស្មី​ហង្ស​មាស កញ្ញា​ទេព បូ​ព្រឹក្ស ដែល​ត្រូវ​បាន​បុរស​ម្នាក់​ជះ និង​គប់​កំប៉ុង​ស្រា​បៀរ​ទៅ​លើ​រូប​នាង ខណៈ​នាង​កំពុង​តែ​ច្រៀង​នៅ​លើ​ឆាក​តន្ត្រី ក្នុង​ភោជនីយដ្ឋាន​យីហោ “​សមុទ្រ​” មាន​ទីតាំង​ស្ថិត​នៅ​ជិត​មន្ទីរពេទ្យ​កុមារ​ជាតិ ក្នុង​សង្កាត់​ទឹកល្អក់​ទី​១ ខណ្ឌទួលគោក កាលពី​យប់​ថ្ងៃ​ទី​២៥ ខែធ្នូ ឆ្នាំ​២០១៨ ​។

កញ្ញា​ទេព បូ​ព្រឹក្ស កាលពី​រសៀល​ថ្ងៃ​ទី​២៦ ខែធ្នូ ឆ្នាំ​២០១៨ បាន​ធ្វើ​ដំណើរ​ទៅ​កាន់​ប៉ុស្តិ៍​នគរបាល​រដ្ឋបាល​សង្កាត់​ទឹកល្អក់១ ដើម្បី​ឆ្លើយ​បំភ្លឺ​ប្រាប់​សមត្ថកិច្ច និង​រៀបចំ​ដាក់​ពាក្យបណ្តឹង​តាម​ផ្លូវច្បាប់​ លុះ​ក្រោយ​ពេល​ចាក​ចេញពី​ប៉ុស្តិ៍​នគរបាល​វិញ កញ្ញា​ទេព បូ​ព្រឹក្ស បាន​បញ្ជាក់​ថា នាង​បាន​ដាក់​ពាក្យបណ្តឹង​ឲ្យ​សមត្ថកិច្ច​ជួយ​រក​យុត្តិធម៌​ឲ្យនាង​រួចរាល់​ហើយ ដោយ​ប្តឹង​ទៅ​លើ​បុរស​ដែល​គប់​កំប៉ុង​ស្រា​បៀរ​ចំ​កណ្តាល​មុខ​នាង​នោះ ទាមទារ​សំណង​ជំងឺ​ចិត្ត ចំនួន​១០ម៉ឺន​ដុល្លារ​ ៕ (អត្ថបទដោយ ទេព វណ្ណះ)
ទេព បូព្រឹក្សទាមទារសំណងពីជនបង្កជះទឹកស្រាបៀរចំនួន១០មុឺនដុល្លា!!! ទេព បូព្រឹក្សទាមទារសំណងពីជនបង្កជះទឹកស្រាបៀរចំនួន១០មុឺនដុល្លា!!! Reviewed by Soeurm Ro on 12/27/2018 Rating: 5
Powered by Blogger.