ជ័យជម្នះលើម៉ារ៉ុក ១ទល់នឹង០កាលពីយប់មិញ គឺជាការឈ្នះលើកដំបូងរបស់ជម្រើសជាតិអ៊ីរ៉ង់ក្នុងរយៈពេល២០ឆ្នាំនៅ World Cup ចាប់តាំងពីឆ្នាំ១៩៩៨។
ការទទួលបានជ័យជម្នះនេះគួរតែអរគុណដល់កីឡាករ Aziz Bouhaddouz ម៉ារ៉ុក ដែលធ្វើឲ្យចូលទីខ្លួនឯង ក្រោយព្យាយាមតែតបាល់ចេញ ពីការទាត់ Free-Kick របស់អ៊ីរ៉ង់នៅនាទី៩០បូក។ អ៊ីរ៉ង់ឈ្នះចុងក្រោយបំផុតក្នុងព្រឹត្តិការណ៍ World Cup ក្នុងឆ្នាំ១៩៩៨ ដែលរៀបចំនៅបារំាំងលើជម្រើសជាតិអាមេរិកលទ្ធផល ២-១។
៣ពិន្ទុដំបូងនេះពិតជាសំខាន់ណាស់សម្រាប់ក្រុមមកពីតំបន់អាស៊ីមួយនេះ ព្រោះប្រកួតបន្ទាប់ពួកគេត្រូវប៉ះខ្លាកំណាចនៅអឺរ៉ុបទាំងពីរគឺព័រទុយហ្គាល់និងអេស្ប៉ាញ ដែលលេងស្មើគ្នាយប់មិញ។ នេះជាការឡើងមកលេង World Cup លើកទី៥ហើយសម្រាប់អ៊ីរ៉ង់ ដោយកន្លងទៅលេងបានត្រឹមវគ្គចែកពូលប៉ុណ្ណោះ៕
ប្រភព៖ BBC