ថ្លែងក្នុងពិធីអបអរសាទរខួបលើកទី១១ ទិវាអតីតយុទ្ធជនកម្ពុជា នាព្រឹកថ្ងៃទី៤ ខែមិថុនា ឆ្នាំ២០១៨ នៅកោះពេជ្រ សម្តេចនាយករដ្ឋមន្រ្តី ហ៊ុន សែន បានប្រកាសផ្តល់សាច់ប្រាក់ឱ្យស្រ្តីជាពលរដ្ឋក្រីក្រ (មានបណ្ណសម្គាល់) ក្នុងពេលមានផ្ទៃពោះ ពេលសម្រាលកូន និងក្រោយពេលសម្រាលកូន ចាប់ពីឆ្នាំ២០១៩។
សម្តេចបានថ្លែងថា ស្រ្តីជាប្រជាពលរដ្ឋក្រីក្រ នឹងទទួលបានសាច់ប្រាក់ឧបត្ថម្ភពីរដ្ឋដូចខាងក្រោម៖
- ក្នុងពេលអំឡុងមានផ្ទៃពោះទទួលបានសាច់ប្រាក់៤ដងដោយក្នុង១ដងគឺនឹងទទួលបាន ៤ម៉ឺនរៀល។
- នៅពេលឆ្លងទន្លេគឺទទួលបានសាច់ប្រាក់ ២០ម៉ឺនរៀល។
- និងក្រោយពេលសម្រាលកូនទទួលបាន១០ដង (រហូតដល់កូនអាយុ ២ឆ្នាំ) ដោយក្នុង១ដងទទួលបានសាច់ប្រាក់ ៤ម៉ឺនរៀល។
